Monsoon Session Live Updates : संसदेच्या पावसाळी अधिवेशनाचे ताजे अपडेट्स, इंधन दरवाढीच्या निषेधार्थ टीएमसी नेते सायकलवरून संसदेत

बाहुबली’ होण्याचा एक मार्ग आहे. लस टोचवून घ्या, असे मोदी म्हणाले.

राज्यसभेच्या व्यवसाय सल्लागार समितीची बैठक आज संध्याकाळी चार वाजता होणार आहे.

लोकसभेच्या व्यवसाय सल्लागार समितीची बैठक आज दुपारी अडीच वाजता होणार आहे.

केंद्रीय मंत्री पशुपती कुमार पारस आज लोकसभेत राष्ट्रीय अन्न तंत्रज्ञान, उद्योजकता आणि व्यवस्थापन विधेयक, २०२० सादर करतील.

पेट्रोल, डिझेल आणि एलपीजीच्या किंमती वाढल्याच्या निषेधार्थ तृणमूल कॉंग्रेसचे (टीएमसी) खासदार आज सायकलवरून संसदेत.

काँग्रेसचे खासदार जसबीरसिंग गिल यांनी लोकसभेत केंद्र सरकारच्या शेतीविषयक कायद्यांबाबत स्थगन प्रस्ताव मांडला.

आम आदमी पार्टीचे (खासदार) खासदार भगवंत मान यांनी केंद्र सरकारच्या शेती कायद्याबाबत सभागृहात स्थगन प्रस्ताव मांडला.

राज्यसभेचे खासदार मनोज झा यांनी यांनी कोरोनाच्या दुसऱ्या लाटेतील मृत्यू आकडेवारीसंदर्भात नियम 267 अंतर्गत स्थगन प्रस्ताव मांडला.

भाकपचे राज्यसभेचे खासदार बिनॉय विश्वाम यांनी पेगासस स्पायवेअरसंदर्भात नियम 267 अंतर्गत स्थगन प्रस्ताव मांडला.

काँग्रेसचे खासदार मनिकम टैगोर यांनी इंधन दर वाढ आणि महागाईवर स्थगन प्रस्ताव मांडला.

काँग्रेसचे लोकसभेचे खासदार मनीष तिवारी यांनी केंद्र सरकारच्या कृषी कायद्यांबाबत सभागृहात स्थगन प्रस्ताव मांडला.

Monsoon Session Live Updates : संसदेच्या पावसाळी अधिवेशनाचे ताजे अपडेट्स, इंधन दरवाढीच्या निषेधार्थ टीएमसी नेते सायकलवरून संसदेत

नवी दिल्ली - कोरोना महामारीत लोकसभेचे दुसरे मान्सून अधिवेशन आजपासून म्हणजेच 19 जुलै रोजी सुरू होत आहे. या पावसाळी अधिवेशनात 31 विधेयकांवर चर्चा होण्याची शक्यता आहे. तसेच कृषी कायदे, शेतकरी आंदोलन, चीन सीमा वाद, लसीकरण, इस्रायली स्पायवेअर आणि इंधन वाढ आदी मुद्दे विरोधक उपस्थित करू शकतात. संसदेची एकूण 19 सत्रे होण्याची अपेक्षा असून त्यात, 31 सरकारी कामकाजांचा समावेश असेल. (यात 29 विधेयके आणि दोन वित्तीय विधेयके) सहा अध्यादेशांचे विधेयकांमध्ये रुपांतर केले जाईल.